1.Stabat mater dolorósa
juxta Crucem lacrimósa,
dum pendébat Fílius.

2.Cuius ánimam geméntem,
contristátam et doléntem
pertransívit gládius.

3.O quam tristis et afflícta
fuit illa benedícta,
mater Unigéniti!

4.Quae mœrébat et dolébat,
pia Mater, dum vidébat
nati pœnas ínclyti.

5.Christe, cum sit hinc exire,
da per Matrem me veníre
ad palmam victóriæ.

6.Quando corpus moriétur,
fac, ut ánimæ donétur
paradísi glória.